Tuesday, February 7, 2006

TWINS

قبل يومين كنت اشوف احد افلام التوئمتين اشلي وماري _ كيت
ومن هنا جاتني فكرة كتابة هذا البوست
*******
قصه -1
كنت في احد الايام الجامعيه انتظر سيارتي وطالعه من امتحان فاينل
جلست جنبي وحده اعرفها معرفه سطحيه معنا في القسم بس مو في نفس الكلاس
اتكلمنا عن الاختبار وفجأه جت اختها وسلمت علي
اول مره اكتشف ان هذي البنت لها توأم واللي استغربته ان اختها تقول انها تعرفني وكم مره سلمت عليها
طبعا جلسنا وسوالف وطبعا شرشحتهم اسئله عن علاقتهم مع بعض
شوي لقيت ثنتين نسخه من اللي معي جايين عندي ويسلمون بعد
اربع توائم ماشاء الله نسخه من بعض ويعرفوني
اتاريني احسبهم شخص واحد في الجامعه واسلم ونتكلم ولا خطر في بالي انهم اربع خوات ماشاء الله
بعد هذاك اليوم اكتشفت قوة ملاحظتي ما شاء الله
********
قصه -2
اختي الكبيره نسولف يوم عن بنتها اللي عمرها 6 سنوات واقول لها ياليت في منها كم نسخه
وانصدم ان بنت اختي كان لها توأم بس توفيت قبل ولادت اختي بكم شهر
طبعا وكالعاده صحت
وصحت
وصحت
وعشان كذا ما احد علمني بالسالفه في وقتها
الحمد لله على كل حال
*********
قصه-3
امي كانت من فتره تحكي ان فيه ناس كانت تعرفهم وجيرانها وما اكتشفت ان عندهم توأم الا بعد ما صار
عمر البنتين عشر سنوات
هل هو خوف من الحسد
او متفشلين
او ايش بالضبط
مافهمت
*****
هل تمنيت في يوم ان لك توأم ؟؟؟
هل تتمنى ان يكون لك طفلين او طفلتين توئم ؟؟
وليش ؟؟؟؟؟
*******